Resurreccion Panagungar

by Amado I. Yoro

Baliwak a mingmingan
Ti libnos ti kailokuan
Baliwak a tubayen
Ti balabala ti biag
Baliwak a biagen
Iti sabali nga anges
Pintas ti raya ti init
Iti sabali a panagtangkayag
Sibuganta- ti bukel
Ti namnama a natungday
Iwaksim ti ilem
Yasidegmo ti ayat
Subliak ti sidiran
Ti kampanario: kararag
Dagiti orasion
Iti panagtabon ti init
Pasungadek ti
Baro panagtangkayag
Ken bannawag
Iti sidong
Toy agur-uray a taeng
Ket ammok a mapusekto manen
Kadagiti riniwriw a katawa
Kas iti siibibiag a taeng ti narayray
A namnama.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.